Hulda Líney Magnúsdóttir

skil á verkefnum

2003-11-03T23:00:00.000Z

Ég hef verið mjög ódugleg við að blogga en hins vegar hef ég verið að vinna verkefnin og sett þau beint á skilasíðuna mína. Það er búið að vera meira en brjálað að gera í að gera verkefni og hef ég engan veginn haft undan þessa dagana. Það virðist alltaf koma í skorpum verkefnaskil. Jæja þarf að fara að huga að stærðfræðinni.

Önnin hálfnuð

2003-10-19T14:38:00.000Z

Þá er nú komið að því að önnin er hálfnuð og ég er farin að upplifa að ég eigi eftir að klífa svo hátt fjall af bókum og verkefnum að ég er farin að óttast hvernig þetta endar. Það er búið að vera meira en of mikið að gera í vinnunni og ég sé ekkert lát á því svo að nú bið ég þess að tímunum í sólarhringnum fari nú að auka svo hægt sé að fara að gera eitthvað að viti. skrifa meira síðar.

Langt síðan síðast

2003-10-13T13:26:00.000Z

Það er orðið ansi langt síðan að ég bloggaði síðast. Það er búið að vera brjálað að gera og er ég farin að bíða eftir vetrafríinu svo ég geti farið að vinna niður halann minn. Þessa dagana er ég að skoða nýtt tölvuforrit Clicker 4. Það er mjög spennandi forrit og mun ég setja meira um það síðar þegar ég hef lært á það.

stærðfræði

2003-10-04T14:14:00.000Z

ég er í mjög áhugaverðum stærðfræðiáfanga, stærðfræði í upplýsingasamfélagi horft til framtíðar. Ég velti því stundum fyrir mér hvers vegna stærðfræði sé ekki á hærra stigi hjá okkur en í dag. Það er alveg sama á hvað er horft í dag allstaðar kemur stærðfræðin inn í en nemendur hata hana. Hvers vegna er svo komið? Hafa kennsluhættirnir verið með þeim hætti að nemendur fá nóg og ná ekki skilning á henni eða gefa þeir sér engan tíma til að spá og spegúlera. Það er svo margt hægt að vinna og gera með stærðfræðinni. Reyndar er ég að velta exellinum fyrir mér og hann er nú alveg ótrúlega flókinn að fatta þegar verið er að setja upp reiknilíkönn þegar maður kann það ekki. Jæja best að hætta þessu bulli og fara að halda áfram.

Persónuleg vefsíða

2003-10-01T21:34:00.000Z

Mín persónulega vefsíða er ekki tílbúin en ég er búin að ákveða nokkurnveginn hvernig hún verður. Það verður einn linkur, um mig, þar sem verða upplýsingar um mig, stórfjölskylduna o.þ.h. Á öðrum linki verður upplýsingar um starfs- og menntaferil, myndaalbúm með ýmsum myndum úr lífi og starfi, skilaverkefnahnappur þar sem öll verkefni þessa áfanga verður á. Einnig verður einn hnappur með skilaverkefnum í stærðfræði. Reyndar er ég með einn hnapp sem ég er ekki alveg búinn að ákveða hvað verður á en líklega verður þar vinasíða.

Vefleiðangur

2003-10-01T21:18:00.000Z

Vefleiðangur um Halldór Laxness, barnæsku hans, uppvaxtar- og fullorðinsár. Inn í umfjöllunina um bakgrunn Halldórs verður hans ritferill fléttaður.

Kynning
Um þessar mundir hefur risið upp ágreiningur um hvort einkabréf Halldórs Laxnes eigi að vera opinn öllum eða takmarkaður aðgangur að safninu. Til að geta tekið sjálfstæða ákvörðun um réttmæti þessa máls er mikilvægt að þekkja til Halldórs Laxness og ritferils hans.

Verkefni
Þið eigið að vinna tvö og tvö saman í hóp. Þið aflið ykkur upplýsinga á netinu af gefnum vefslóðum. Það má taka inn fleiri slóðir ef þið finnið eitthvað sem vekur áhuga ykkar en gæta verður að trúverðugleika upplýsinganna. Þið eigið að finna upplýsingar um bakgrunn Halldórs og ritferil hans. Upplýsingarnar eiga að mynda samfellu um ævi og ritstörf hans. Verkefnið eigið þið að vinna í skólanum og fáið til þess sex kennslustundir. Þeir sem ekki ná að klára verkefnið á þessum tíma eiga að klára það heima.

Bjargir
Inn á vef Morgunblaðsins er að finna sérvef um Halldór Laxness. Þar eru miklar og góðar upplýsingar um alla þá þætti sem þið þurfið á að halda til að leysa þetta verkefni.
Þessi vefsíða gefur ykkur tækifæri til að ferðast liðlega fjörtíu ár aftur í tímann þegar Halldór Laxness hlaut bókmenntaverðlaun Nóbels á vef Ríkisútvarpsins.

Ferli
Þetta verkefni er samvinnuverkefni fjögurra einstaklinga. Í svona stórum hóp er mikilvægt að viðhafa verkaskiptingu svo allir verði virkir. Verkefninu eigið þið að skila sem vefsíðu. Þið fáið tvær vikur til að vinna verkefnið. Til að auðvelda vinnuna er gott að fylgja eftirfarandi ferli.
Ræðið um verkefnið, hvaða upplýsinga þið verðið að leita eftir, hvað þekkið þið nú þegar til um nóbelverðlaunahafann o.þ.h.
Ákveðið hlutverk hvers og eins. Verkefnastjóri, vefsíðustjóri, tímavörður og pollýana.
Skiptið með ykkur verkum. Hægt er að láta hvern og einn hafa ákveðin tímabil, ákveðinn ævihluta eða ritstörf.
Skoðið vef Morgunblaðsins vel og glósið jafnóðum og þið finnið eitthvað áhugavert.
Setjið upplýsingarnar inn á vefinn sem þið eruð að búa til.
Setið myndir af skáldinu inn á vefinn og annað sem passar við umfjöllun ykkar.
Gangi ykkur vel og góða skemmtun við þessa vinnu....

Mat
Verkefnið er hluti af íslenskunkennslunni og gildir það sem 10% af lokaeinkunn ykkar. Í lok verkefnisins eigið þið að sýna samnemendum ykkar vefinn, segja frá hvernig ykkur gekk að vinna þetta verkefni og hlutverkaskiptingu hópsins.

Niðurstaða
Í verkefninu fræðist þið um ævi og störf eins af okkar fremsta rithöfund. Öll þekking sem við öðlumst eykur innsýn og næmni inn í íslenska menningu, gefur okkur hugmynd um hvers vegna hlutirnir þróast eins og þeir gera. Með aukinni þekkingu auðveldar það okkur að taka afstöðu þegar upp koma mál eins og um aðgang að einkaskjölum Halldórs.

Vefleiðangur

2003-09-30T23:16:00.000Z

Ég er á fullu að vinna minn vefleiðangur og vefsíðu og gengur það ágætlega. Að búa til persónulega síðu er svolítið vandasamt því ég er ekki alveg viss um hvað ég vilji opinbera og hvað ekki. Hins vegar er líklegt að farið verði svolítið út í starfið mér finnst það góður punktur. Stafssagan er nefninilega þónokkur þó svo að hún sé inn á svipuðum vettvöngum. Jæja geri meira á morgun þegar vefleiðangurinn kemur inn.

Tæknisaga

2003-09-28T12:37:00.000Z

Það má segja að heimili mitt sé nokkuð tæknivætt. Við erum með þrjár tölvur, tvo prentara, gsm, stafræna myndavél, kortalesara, migrafón tengdan í tölvuna ásamt mikilvægum tækjum eins og þvottarvél, þurrkara, brauðvél, uppþvottarvél ofl. Tæknin sem við erum að nota er til þess að auðvelda okkur vinnuna en um leið bæði hjálpartæki og til ánægju.
Inn á heimilið var fyrsti gsm síminn keyptur 1994. Það var Nokia sem var bæði stór og þungur. Gemsinn var notaður í vinnu en ekki til að tala í dags daglega við hvern sem er. Reyndar er ég ekkert sérstaklega tæknivædd í gsm því við erum með þriðja gemsann frá því ´94. Hins vegar nota ég SMS töluvert og mun minna en ég hefði viljað þar sem vinir mínir nota þetta form ekki. SMS er mjög þægilegt system til að láta vita af sér og láta skilaboð ganga á milli.
Tölvuvæðingin hjá mér hófst 1996. Þá var keypt 386 talva með 6 GB harðan disk, 64 MB minni ásamt 32 MB vinnsluminni. Hún var síðan uppfærð 98 og er enn notuð í dag hjá dætrum mínum til að vinna ritgerðir og verkefni fyrir skólann. Einnig er nokkuð af kennsluforritum í henni og einföldum leikjum. Fartölvu keypti ég árið 2000 þegar ég var í námi í Reykjavík. Það var þvílíkur munur og er hún eitt mikilvægast tækið mitt í dag. Ég nota hana bæði í námi og starfi. Í vinnu er ég með netkort svo ég komist inn á kerfi skólans. Þetta eru tæki sem að ég tel að allir eigi að eiga. Hún er svo létt og handhæg að það er ekkert mál að taka hana með sér hvert sér er. Þriðja tölvan var keypt 2001. Hún er byggð upp á skúffum þar sem hver og einn hefur sinn harða disk. Það er mjög þægilegt system þar sem unglingar eru á heimilinu og eru stöðugt að setja leiki inn á tölvuna. Tölvan er með 80 GB harðan disk, 382 MB vinnsluminni, DVD, skifara, kortalesara, adsl tengingu við Margmiðlun þar sem við erum með gulláskrift, 19" skjá og prentara. Það er nýbúið að setja office 2003 inn á hana. Það er töluverður munur á þessum pakka þar sem vinnuumhverfið er mun skemmtilegra. Tövlan er mikið notuð bæði sem hjálpartæki í starfi og námi, til fróðleiks og sem afþreying. Netið er mikið notað, þar eru miklar upplýsingar að finna og oft þarf maður að minna sig á að það sé búið að finna upp hjólið og mikið af leiðbeiningum, fríum forritum og námsefni er að finna á netinu og þar af leiðandi er auðvelt að aðlaga það að hverjum og einum. Með tilkomu netsins hefur námsumhverifð breyst gífurlega. Þegar ég hóf nám við þroskaþjálfaskor KHÍ 1998 þurftum við að leita allra upplýsinga í bókum sem tók mikinn tíma og yfirleitt fá eintök til, jafnvel bara eitt. Upplýsingaflæðið í gegnum netið hefur auðveldað þennan þátt mikið því maður byrjar að leita upplýsinga með leitarvélum og þar er oft bent á bækur þar sem frekari upplýsinga er að finna. Póstforrit nota ég töluvert, bæði til vina, ættingja og varðandi fyrirspurnir og í starfi. Kosturinn við póstforrit er að oft fær maður viðbrögð skjótar þar sem margir byrja daginn á því að lesa póstinn. Í starfi nota ég tölvu töluvert, bæði til að þjálfa fínhreyfingar, einbeitingu og kennslu í einhverju ákveðnu.
Mín framtíðarsýn varðandi tæknina er nokkuð björt. Ef við tökum tæknina sem hjálpartæki í daglegu lífi og kennum nemendum okkar það er framtíðin björt. Að minu mati er of mikið af því að unglingar sérstaklega eru forfallnir tölvuleikjafíklar. Þeir fara á flest lan mót sem þeir komast, hittast á ákveðjum tímum í tölvunni hver heima hjá sér og keppa í leikjum í gegnum netið. Þessir einstaklingar eru oft mjög færir í leikjum en þegar kemur að því að þeir eigi að nota tölvuna til að búa til eitthvað sérstakt eru þeir stopp. Eftir 10 ár held ég að mitt heimili haldi áfram að tæknivæðast bæði ég sjálf og í gegnum aðra fjölskyldumeðlimi.

Viðburðir helgarinnar

2003-09-27T19:30:00.000Z

Nú er verið að velta tækninni fyrir sér. Ég hef komist að því að ég er mjög háð tækninni. Við erum alltaf með einhver tæki á okkur, gsm, fartölvu, walkman, geislaspilara ofl. Síminn er okkur mikilvægur og um leið erum við farin að senda flest öll bréf frá okkur með emaili. Svo hvar væri maður staddur án tækninnar?

Vefsíðugerð

2003-09-25T19:15:00.000Z

Það er alveg ótrúlegt hvað maður er fljótur að gleyma. Það er aðeins ár síðan að ég gerði mína vefsíðu og það brakar gjörsamlega í heilanum í mér meðan ég sitt hér og bý til mína yndislegu heimasíðu. það er alltaf gaman að gera vefsíðu en að setja upplýsingar inn á tilbúið form vefst ótrúlega fyrir mér.

læra meira í dag en í gær.

2003-09-22T19:23:00.000Z

Það er meira en nóg að gera í náminu. Þessa stundina er ég að lesa Bíblíuna. Fyrir þá sem finnst Bíblían þung lesning þá er komin út á vefnum bíblíuþýðing sem er auðveld til lesningar.

Messa

2003-09-21T16:53:00.000Z

Ég fór nú í dag í mjög skemmtilega messu í Landakirkju þar sem verið var að setja Sr. Fjölnir Ásbjörnson formlega inn í embætti hér. Prófastur Kjalanesprófastdæmis, Gunnar Kristjánsson ásamt Sr. Þorvaldi Viðissyni sáu um athöfnina sem var vel heppnuð. Góð mæting var á meðal safnaðarmeðlima og bauð safnaðarnefnd öllum í kaffi og köku eftir athöfnina.

Haustþing kennara

2003-09-19T12:15:00.000Z

Nú hér í eyjum stendur yfir haustþing kennara og er það búið að vera mjög áhugasamt það sem af er. Í morgun var ég á fyrirlestri um dönskukennslu af rafrænu formi. Skoðað var námsefnið God nok pa nettet!, Dan net og danska heimasíðu sem faraldskennarar í dönsku gerðu. Þetta var mjög áhugavert og margt nýtt sem kom þar fram. Möguleikarnir í kennslu með rafræna miðla sem hjálpartæki eru að verða ansi margir. Nú fer að líða að hádegismati svo best að drífa sig.

Power point verkefni

2003-09-17T14:17:00.000Z

Ég hef ákveðið að setja upp kennsluverkefni sem leiðbeinir um hvernig hægt er að nota power point sem kennslutæki í starfi með fötluðum. Þar mun koma fram hvernig power pointið virkar, hvernig hægt er að setja bæði stafrænar myndir og clip art myndir inn ásamt talblöðrum og tali. Einnig hvernig hægt er að setja myndbönd og tónlist inn á ákveðnar síður. Power pointið hefur margar möguleika og það er ansi vannýtt að minu mati. Jæja læt þetta duga í bili.

Vefrallý

2003-09-13T14:53:00.000Z

Jæja þá er ég loksins búin að gera vefrallýið mitt aftur. Harði diskurinn á tölvunni hrundi svo ég þurfti að byrja á öllu upp á nýtt. Svo hér er mitt endanlega textaða vefrallý og að sjálfsögðu fjallar það um formúluna. Reyndi að vera hlutlaus og taka formuluna almennt.

Veffrallý um formulu 1

Markmiðið með vefrallýinu er að nemendur læri að leita upplýsinga inn á sama vef og að fara á milli vefsíðna til að finna nánari upplýsingar um efnið. Verkefnið er ætlað nemendum í 7. bekk þar sem mikillar lestrar- og flokkunarhæfni er krafist. Nemendur þurfa að vera nokkuð útsjónasamir þar sem þeir eiga að ná í upplýsingarnar á sem styðstum tíma. Við vinnslu rallýsins eru nemendur með verkefnið í ritvinnsluskjali sem er opið ásamt vefnum. Nemendur eiga að fara á milli síðna á vinnustikunni.

1. Hvað er formúla 1?

2. Hvað heitir Íslendingurinn sem dæmt hefur í formúlu 1 keppninni?

3. Hvaða ökuþór formúlunnar er hæðstur að stigum?

4. Hvaða lið hefur flest stigin í keppni bílasmiða í formúlunni?

5. Náðu í kort af brautinni í Frakklandi og límdu í skjalið.

6. Hver náði besta tímanum á brautinni 2003?

7. Hvað er brautin löng í kílómetrum og hvað eru farnir margir hringir á henni?

8. Hvernig eru fánarnir sem notaðir eru í formúlunni og hvert er hlutverk þeirra?

9. Hver er tekjuhæðsti ökuþórinn í formúlu 1?

10. Settu mynd af uppáhaldsliðinu þínu í ritvinnsluskjalið

11. Hver er uppáhalds ökumaðurinn þinn í formúlu 1?

12. Settu mynd af honum í ritvinnsluskjalið.

13. Segðu frá honum og helstu afrekum hans

14. Hver er Marc Gene?

Bjargir:

http://www.formula.is

http://www.mbl.is

http://www.ruv.is

tölvur....

2003-09-09T21:56:00.000Z

Ég hef ekki verið sérstaklega virk undanfarið þar sem harði diskurinn í tölvunni minni hrundi. Það er alveg óþolandi þegar tæki sem maður stólar á skuli klikka. Reyndar sýndi það sig hvað maður er orðinn háður tölvunni. Mér finnst ég varla geta unnið né lært þegar ég get ekki haft hana opna fyrir framan mig og glósað í hana eða leitað upplýsinga jafn óðum og ég þarf þær. En ég vona innilega að það verði hægt að redda henni sem fyrst en að gera við svona dót tekur alltaf sinn tíma. Jæja læt þetta duga í bili.

Vefrallý

2003-08-31T15:50:00.000Z

Ég er búin að vera á netinu að finna mér áhugavert efni til að gera vefrallýið. Það er loksins komin mynd á það en þá fór ég að velta því fyrir mér hvernig ég eigi að skila því. Að sjálfsögðu á að skila því að skilasíðunni sem við eigum að gera. Það að byrja námið ekki strax kemur yfirleitt í bakið á manni og endar með því að maður situr eins og slitti við tölvuna og pælir og pælir. Jæja það þýðir ekkert annað en að halda áfram.

brjálæði

2003-08-30T19:17:00.000Z

Ég er loksins farin að skoða námið. Það er búið að vera brjálæði að gera við að skipuleggja starfið innan grunnskólanna svo ég hef látið námið sitja alveg á hakanum. En nú verður maður að gera bragabót á því. Læt þetta duga í bili þar sem ekkert merkilegt er að gerast í bili.

2003-08-18T14:05:00.000Z

Það er hægt að nota netið á margan hátt. Margir einstaklingar eiga fáa eða enga vini. Einhverja hluta vegna eiga þeir erfitt með að tengjast öðrum augnlítis. Þeir sem eiga við þennan vanda að etja geta því farið aðrar leiðir til að eignast vini og þar kemur netið inn. Ein af þeim síðum sem hægt er að spjalla saman á málefnalegum grunni er málefnin.com. Á þessari síðu er hægt að fjalla um það sem er að gerast í þjóðfélaginu og stjórnmál eru þar ofarlega á blaði.

vinanet

2003-08-18T14:04:00.000Z

Hægt er að búa til vinanet með því að fara inn á friendster.com. Á þeirri síðu er hægt að kynnast öðrum einstaklingum sem hafa svipuð áhugamál, starfa á sömu sviðum og fleira. Friendster hefur marga kosti og einn af þeim er að hægt er að kynnast fólki víðsvegar um heiminn. Hvað er t.d. kennari að gera í Hirosima?

Hrefnuveiðar Íslendingar

2003-08-18T13:25:00.000Z

Nú eru ýmsar blikur á lofti í hvalveiðum Íslendinga. Fréttir af hvalveiðum Íslendinga er meðal annar að finna á BBC. TIl er skemmtilegur hvalavefur. Fyrir þá sem ekki vita hverning hvalur lítur út
Á Húsavík er hvalaskoðunarfyrirtæki.

sessinautur minn

2003-08-15T16:08:00.000Z

Hér sig ég við hliðiná manninum mínum. Hann á ekkert blogg svo það er ekki hægt að tengja sig í bloggið hans. Þess vegna verð ég að finna einhvern annan til að tengjast við. Ég ælta því að tengjast Þórkötlu.

áhugamál

2003-08-15T16:03:00.000Z

Nú sit ég hér í tíma í upplýsingatækni og skólastarfi og er að æfa mig að skrifa í bloggið. Það er voða gaman.

kynning

2003-08-15T15:57:00.000Z

Hulda Líney Magnúsdóttir heiti ég og bý í Vestmannaeyjum. Ég starfa sem þroskaþjálfi í Barnaskóla Vestmannaeyja og Hamarsskóla. Auk þess starfa ég sem æskulýðsfulltrúi í Landakirkju. Þar sé ég um unglingastarfið og æskulýðsstarf fartlaðra í samvinnu við presta og frábærra leiðtoga. Ég lauk þrosakþálfaprófi frá Kennaraháskóla Íslands árið 2001 og hef siðan þá starfað sem þroskaþjálfi og mun gera það áfram. Þessa stundina er ég í staðbundnu námi í KHÍ og er í áfanganum upplýsingatækni og skólastarf. Upplýsingatækni er mitt kjörsvið ásamt kristinfræði. Ég stefni að því að útskrifast sem grunnskólakennari vorið 2005.

Byrja

2003-08-15T08:08:00.000Z

hér byrja skrifin..